నక్క - తాబేలు

హలో ... :)
గెలుపు , ఓటమి లు  దైవాధీనాలు . పోటి తత్త్వం అన్నివేళలా మంచిదే ! కానీ  గెలుపు ని ఎలా తీసుకుంటామో , ఓటమి ని కూడా అలాగే తీసుకోవాలి. ఓటమి కూడా సర్వ సాధారణం !!  ఓడిపోయామని బెంగపడకుండా... ఓటమికి కారణాలు తెలుసుకుని , విజయం కోసం మళ్ళి  ప్రయత్నించాలి.
 
గెలుపు - విజయాన్ని, ఆనందాన్ని ఇస్తే ...
ఓటమి - అనుభవాన్ని ఇస్తుంది. తప్పొప్పులు తెలుసుకుని మనల్ని మనం మరింత మెరుగుపర్చుకోవటానికి  అవకాశాన్ని ఇస్తుంది !

ఈ క్రింది కథలో తాబేలు - సమయస్ఫూర్తితో ఆపదనుంచి బయటపడి విజయం సాధిస్తే ... నక్క - భంగపడి గుణపాఠం నేర్చుకుంది. తాబేలు డొప్పలు నీళ్ళల్లో నానవని తెలుసుకుంది ! :)
మనం కుడా ఆ కథ వినేద్దామా ??!!

ఏడు చేపల కథ !

నా చిన్నప్పుడు   అమ్మ ఎన్ని కథలు చెప్పినా... ఈ ఏడు చేపల కథ మాత్రం బాగా గుర్తుండిపోయినదీ మరియు ఇష్ట మైనదీ!! :)
ఆఖర్న చీమ " నా పుట్ట లో వేలు పెడితే కుట్టనా ??? " అని సాగాదీసుకుంటూ అడిగిన విధానం నాకు బాగా గుర్తుండిపోయింది.  తర్వాత పెద్దయ్యాక, భక్తీ టీవీ లో ఒక పెద్దాయన ...ఈ కథలోని అంతర్యాన్ని చెబితే.... ఓహో ... ఇంత విషయం ఉందా ఈ చిన్ని కథలో అని తెలుసుకుని నివ్వెరపోయాను... ఆ తర్వాత ఈ కథ మీద మరింత ప్రేమ పెరిగింది. ఈ క్రింద నేను రికార్డు  చేసిన విధం గా,  మా అబ్బాయికి ఈ కథ చెబుతూ సంతోషపడుతుంటాను  ... మీరు కూడా మరి ఒకసారి ఈ కథ విని, ఆనందించండి.

ఈ కథ లోని ఆంతర్యం , స్మరణ అనే బ్లాగ్ లో చూసాక ... ఈ కథ ని మళ్ళి రికార్డు చేయాలనే తలంపు వచ్చింది :)

బుల్లి కంగారు - కొత్త ప్రపంచం

ఒక బుజ్జి కంగారు ... అమ్మ సంచి లో కూర్చుని  వెచ్చగా , ఏ చీకూచింత లేకుండా హాయిగా కొంతకాలం గడిపింది . ప్రపంచాన్ని తనంతట తానే తెలుసుకోవాలనే ఉత్సాహం ఒక ప్రక్కన, కొత్తవి చూసి దడుచుకునే స్వభావం ఒక ప్రక్కన ... ప్రతి ఒక క్రొత్త అడుగులోనూ ...ఒక చిన్న, వింత ప్రపంచం !!

ముందైతే ఈ చక్కని కథ ని వినేద్దాం!! 

ఈ కంగారు పిల్ల లాగానే మనకి కుడా నిత్య జీవితం ఎన్నో సవాళ్ళు , ప్రశ్నలు, సమస్యలు ఎదురవుతుంటాయి. మొదట కొంచెం భయం భయం గానే వుంటుంది....కానీ వాటికీ వెరవక, మనసుకి నచ్చే స్నేహితుల తోడుతో, ముందడుగు వేస్తే ..... విజయమే!!  మరి మనం కుడా సవాళ్ళను చిరు నవ్వుతో స్వీకరిద్దామా??