అమ్మనాన్నలమీద కోపంతెచ్చుకోకండే !!

పిల్లలూ... మీరు బాగా అల్లరి చేస్తున్నారా?? అమ్మానాన్నలకి బాగా కోపం తెప్పిస్తున్నారా???

 పిల్లలు ఏం చేసిన అమ్మనాన్నలకి కోపం రాదు... ఆ అల్లరి ముద్దుగా వుంటే. మరీ... అమ్మా వాళ్ళకి మిమ్మల్ని కొట్టేయటం, తిట్టేయటం అస్సలు నచ్చదు.. మిమ్మల్ని తిట్టినా, కొట్టినా ఎక్కువ బాధ పడేది వాళ్ళే! మీరు ఎక్కడ చెడిపోతారో, ఎక్కడ దుష్ప్రవర్తన నేర్చుకుంటారో అనే వాళ్ళ భయం. మిమ్మల్ని అందరూ మెచ్చుకునేలా మంచి నడవడికతో  , మంచి బుద్ధులతో పెంచాలనే వళ్ళ తాపత్రయం. కాబట్టీ  అమ్మవాళ్ళు కొప్పడినాకానీ ఎక్కువ నొచ్చుకోకుండా , తిరిగి అమ్మనాన్నలమీద కోపంతెచ్చుకోకుండా చక్కగావుండాలి.. మరే... పిల్లలు ఎలా అల్లరి చేస్తే తల్లిదండృలకి ముద్దుగావుంటుందో ఈ కథలో తెలుసుకుందామా ??

తల్లిదండృలకి సూచనలు:
-----------------------------
1. ఈ కథ లోని జంతువుల సంభాషణలు సాధ్యమైనంత నవ్వు తెప్పించేవిధంగా అనుకరించండి.
2. కోడిపెట్ట హత్తుకున్నచోట మీ పిల్లల్ని దగ్గరికి తీసుకుని మీరుకుడా హత్తుకొని ముద్దుపెట్టేయండి. :)
3. పిల్లలు అల్లరి ఎలా చేయలో ( మీ దృష్టిలో  ) లెక్చరు దంచేయండి మీ పిల్లలకి ;) ALL THE BEST

ఏనుగు - దర్జీవాడు

ఈ కథ మా అబ్బాయి కి చాలా ఇష్టం. వాడికి ఏనుగు  అంటేనే ప్రాణం. ఈ  "ఏనుగు -  దర్జీవాడు" కథ ఐతే  మా వాడికి లెక్కలేనన్నిసార్లు చెప్పివుంటాను :)  మా అబ్బాయిలాగా చాలామందికి  ఈ కథ నచ్చుతుందని ఈ ఆడియో రికార్డు  చేసాను. ఇంకెందుకు ఆలస్యం?? వినేయండి మరీ... :)

తల్లిదండ్రులకు సూచనలు :
-----------------------------
1. మీ పిల్లలకి ప్రతీ రాత్రి ఒక కథ ఐనా చెప్పటానికి ప్రయత్నించండి.
2. వీలైనంతగా వారు కథల పట్ల ఆకర్షితులయ్యేలా  చెప్పటానికి ప్రయత్నించండి.
3. విపరీతమైన కామెడి చేయండి వీలైనచొటల్లా.
4. పుస్తకాలతో అనుబంధం పేరిగేలా ప్రొత్సహించండి.

ఈ కథ కి సంబంధించిన సలహాలు :
---------------------------------------

1. నేను టిక్ -టిక్ అని చెప్పినచోట మీరు చూపుడు వేలు, మధ్యవేలుతో పిల్లల పొట్ట మీద / చేయి మీద నడుస్తున్నట్టుగా   అభినయించండి. పిల్లలు బాగా ఎంజొయ్ చేస్తారు :)
2. ఏనుగులా ఘీంకరించినప్పుడు - మీరు మీ చేయిని తొండం లాగ వూపండి.
3. దీవించింది అన్నప్పుడు - మీ చేయే తొండం కనుక  మీ చేతిని వారి తల మీద పెట్టి దీవించండి
4. చెరువులో నీళ్ళు తాగుతున్నప్పుడు : మీ తొండం తో  ( సారీ...  మీ చేతితో  :D ) నిజంగానే నీళ్ళు పీల్చుకుంటున్నట్లూ... స్నానం చేస్తున్నట్టూ...ఆఖర్న  పిల్లవాడి మీద కోపం గా /విసురుగా చల్లుతున్నట్టూ అభినయించండి. 

మీ పిల్లలు మళ్ళీ మళ్ళీ  ఈ కథ చెప్పమని మీ ప్రాణం తీయకపొతే నన్ను అడగండి :)

బుజ్జి కుక్క పిల్ల - పుస్తకం- ఆనందం

హలో ...
" కలసి వుంటే కలదు సుఖం "  అనే విషయాన్ని ఒక సరదా కథ లో తెలుసుకుందాం !  

అనగనగా ఒక బుజ్జి కుక్క పిల్ల వుంది. అది గ్రంధాలయం (Library)  కి వెళ్ళి ఒక పుస్తకం తెచ్చుకుంది.  అప్పుడూ ...దాని స్నేహితులు.... బాతు, ఉడుత , పిల్లి, కుందేలు కూడా  ఆ పుస్తకం చదవాలనుకున్నాయి... అప్పుడేమైందో తెలుసా!! ?? ఐతే ఈ కింద కథ వినండి :)

ముందుగా నా మనసులో మాట !

నమస్తే! :-)
పిల్లల ప్రపంచం లో కథలకి వున్న ప్రాముఖ్యత అంతా,ఇంతా కాదు! కథలు వినోదాన్నిస్తూనే అంతర్లీనం గా పిల్లల్లో ఊహశక్తిని, విశ్లేషణ చేసే శక్తిని, సమయస్ఫూర్తిని, తెలివితేటలనీ పెంచుతాయి అని ప్రగాఢంగా నమ్ముతాను. అటువంటి కథలను నాకు తెలిసిన పధ్ధతిలో  - పిల్లలని ఆకట్టుకునేవిధం గా - సరదాగ చెప్పటానికి ప్రయత్నిస్తున్నాను.  ఈ కథలు మీకు గానీ, మీ పిల్లలకి గానీ కథల మీద ఏ మాత్రం ఇష్టాన్ని, ఆసక్తినీ కలిగించినా సంతోషిస్తాను. 

 

 నేటి ఇంటెర్నెట్ యుగంలొ  పిల్లలు కార్టూన్ లు చూడటనికి తద్వార దౄశ్య మాధ్యమానికి బాగా అలవటుపడిపొతున్నారు. ఏదైన వినటం ..అర్ధం చేసుకొవటం .. ఊహించుకోగలగటం వంటి మంచి అలవాటుని తెలియకుండానే కోల్పోతున్నారు. ప్రస్తుత సామాజిక పరిస్థితులలో అన్ని సమస్యల కి ముఖ్య కారణం పక్క వారి సమస్యలను సావధనం గా విని అర్ధం చేసుకోకపోవటమే!!

నా ఈ చిన్ని ప్రయత్నం పిల్లల్లొ యెంతో ముఖ్యమైన "వినటం" అనే ఒక మంచి అలవాటు చేస్తుందనీ  .....

అలాగే భార్యాభర్తలు ఇద్దరూ పని చేయవలసిన అవసరం యేర్పడిన ఈ రోజుల్లొ పిల్లలతో గడిపే సమయం ఎంత లేదన్నా కూడా బాగా తగ్గింది.ఉన్న కాస్త సమయం లో ఏ కధలు చెప్పాలి? ఎలా చెప్పాలి ? అని ఆలొచించే తల్లిదండ్రులు యెంతో మంది. అలాంటి వారికి ఈ సైటు యె కొంతైనా సాయం  చేయాలనీ ......

నేను విన్న కథలను, చదివిన కథలనూ నా తరహా లో చెప్పటానికి ప్రయత్నిస్తున్నాను. అలాగే నాకు తోచిన చిన్న,చిన్న సలహాలను తల్లిదండ్రులకు తెలియచేస్తాను. సహృదయం తో ఆదరిస్తారని ఆశిస్తూ...
 

ఈ బ్లాగు  ఆలోచనని నాకు కల్పించిన సాయి ( http://namanasucheppindi.blogspot.in ) గారికి మనస్ఫూర్తిగా ధన్యవాదాలు.